MAONESHO DAR CONSTRUCTION EXPO KUANZA OKTOBA 11

 

Na David John 

WATANZANIA wameshauriwa kujitokeza Kwa wingi katika maonyesho yanatambuliwa kama Dar Construction Expo Kwa lengo la kujifunza Teknolojia mpya itakayopatikana katika sekta ya Ujenzi .

Hayo yamesemwa leo octoba 10  2023  na  Mkurugenzi   Muandaaji wa Maonesho hayo  Deogratius John Kilawe , alipokuwa akizungimza  na Waandishi wa Habari katika Ukumbi wa Diamond Jubilee  jijini Dar es salaam.

kilawe amesema  kuwa  maonesho hayo  yana lengo la kuwakutanisha kwa pamoja wadau wa Sekta ya ujenzi na kujadili njia mbalimbali zitakazosaidia kuinua Sekta hiyo pamoja na kukuza Mahusiano na kujipatia Wateja wa Bidhaa zao.

Pia amesema maonesho hayo  yanatarajiwa kuwa ya siku Tatu kuanzia  octoba 11 hadi 13,  2023  na kufanyika katika  Ukumbi wa Diamond Jubilee jijini Dae es salaam.

 Aidha  Kilawe ameongeza  kuwa, huu ni msimu wa 7 wa  Maonesho ya Dar Constuctions Expo na   yanajumuisha zaidi ya  Makampuni  120 kutoka nje na ndani ya Tanzania pia yanatarajiwa kuwa yenye kuleta tija na Mapinduzi katika sekta ya ujenzi  na kukuza na kukuza teknolojia hapa nchini.