MULIKA TANZANIA YAWAFUNDA VIJANA JUU YA MITANDAO YA KIJAMII

 

Na Mwandishi wetu 

SHIRIKA  linalohudumia vijana ambalo linajitahidi kuwaweka vijana katika kitovu cha michakato ya maendeleo na maamuzi MULIKA  Tanzania limetoa mafunzo kwa vijana  juu ya matumizi sahihi na salama kwa mitandao ya kijamii.

Akifungua mdahalo ulioenda sambamba  na kutoa mafunzo ya  usalama mtandaoni  Jijini Dar es salaam mapema leo Juni 14,2023 Ofisa Mradi Mkuu wa Shirika hilo ,Marx Chocha  amesema mafunzo hayo yataenda sambamba na maadhimisho ya siku ya mtoto wa afrika .

Chocha amesema katika mafunzo hayo vijana wamejadiliana na kupewa taarifa kutoka kwa wataalamu mbalimbali.

"Tumeamua kutoa mafunzo haya Kwa vijana kutokana kuwepo Kwa chagamoto kubwa zinazowakabili vijana katika mitandao ya kijamii,"amesema 

Amesema kwa mujibu wa takwimu zinaonesha kuwa watanzania wengi wanaumia huduma za mtandao huku vijana wakiongoza.

Amesema vijana wengi wamekuwa wahanga wa kusababisha chagamoto mbalimbali  na kueleza kuwa taarifa zao nyingi wakipata katika mitandao ya kijamii.

"Kupitia mafunzo haya tutawapa elimu ya ujuzi na uelewa juu ya kufanya maamuzi salama sambamba na kupitia Sheria mbalimbali na hatimaye kuwa sehemu salama wanapokuwa katika mitandao"amesema

Aidha amesema wakifanya tafiti kupitia mitandao ambapo waliweza kubaini Kuwa na wigo wa kiasi Gani wa matumizi sahihi ya mitandao ya kijamii

Akiwasilisha mada katika mafunzo hayo Muhariri Mkuu wa Clouds , Joyce Shebe amesema uhuru wa kujielezea unatoa fursa kwa watu kuwasilisha na kuonesha uwajibikaji.

Aidha aliwaomba vijana hao kutumia uhuru wa kujieleza ili kujenga jamii yenye uwajibikaji.

Naye Mkurugenzi Mtendaji wa Kampuni ya ya Nukta Afrika Nuzulack Dausen amesema kuwa na taarifa sahihi ni muhimu katika kudai haki na uwasilishaji.

Nae mmoja wa vijana hao Mary Mbago amesema elimu ya masuala ya matumizi sahihi na salama kwa mitandao ya kijamii ni muhimu kwanj vijana wengi wamekuwa wakiitumia katika masuala mbalimbali ikiwemo biashara na kupata fursa mbalimbali.