YANGA YALAMBA NUSU BILIONI ZA SPORTPESA

 Na Mwandishi Wetu Dar.

Kampuni ya kubashiri ya SportPesa leo Jini 5, 2024 imeipatia Klabu ya Yanga shilingi nusu bilioni kama bonasi ya kufanya vizuri katika mashindano mbalibali ya mpira wa miguu.

Akikabidhi mfano wa hundi kwa Rais wa Yanga Hersi Said, Mkurugenzi wa SportsPesa Tanzania Abass Tarimba, amesema kampuni yao inatoa mfano wa hundi  lakini pesa tayari ipo benki.

Naye Rais wa mabingwa hao wa mara 30 kwenye ligi Kuu ya Tanzania Bara Injinia Hersi Said amemshukuru Mheshimiwa Tarimba ambaye pia ni mbunge wa Kinondoni (CCM) amesema;

"Nikupongeza Mzee wangu Mhe. Abbas Tarimba kwa jitihada zako kwetu. Kila mara tulipokukimbilia hukuchelewa kutusikiliza. Nimpongeze sana na Mkurugenzi Pavel Slavkov kwa kutekeleza matakwa yote ya kimkataba ambayo yanaifanya Klabu hii kuwa imara zaidi pamoja na watendaji wote wa Sportpesa"