DUBE NI DUDE LA YANGA RASMI

 Prince Mpumelelo Dube aliyezaliwa 17 Februari 1997 na raia  wa Zimbabwe, ametangazwa kuwa rasmi ni mchezaji wa Dar Young African SC baada ya klabu hiyo ya mitaa ya Twiga na Jangwani Dar es Salaam kuingia naye kandarasi ya miaka miwili ya kuichezea katika Ligi Kuu msimu ujao na mashindano mengine.

Dube ambaye ni mshambuliaji, amemalizana na klabu ya AZAM aliyokuwa akiichezea kwa misimu kadhaa baada ya kuwarejeshea fedha ili mkataba wake uweze kuvunjika.

Dube anaenda kukamilisha safu hatari ya ushambuliaji ya kikosi cha Yanga akiungana na miamba mingine kama Clotous Chota Chama-Triple C, Aziz Ki, Mudathir Yahya, Pacome Zouzoua, Max Nzengeli, Khali Aucho, Ibrahim Bacca, Dickson Job, Nickson Kibabage, Yao Kwasi, Djigui Diarra na wachezaji wengine.