DADA WA KAZI AMJERUHI VIBAYA MTOTO WA BOSI

 

Na Mwandishi Wetu

DAR ES SALAAM: JESHI  la Polisi Kanda Maalum ya Dar es Salaam linamtafuta msichana wa kazi anayejulikana kwa jina la Clemensia Cosmas  kwa tuhuma za kumjeruhi kwa kitu chenye ncha kali maeneo ya shingoni mtoto Malick Hashim (6).

Akizungumza hayo jana jijini Dar es Salaam  na waandishi wa habari alisema tukio hilo limetokea Julai ,15 mwaka huu  majira ya saa 12 jioni eneo la Goba Kinzudi, Kinondoni.

Alisema mtoto huyo alipelekwa Hospitali ya Mloganzila ambapo baadae alihamishiwa Hospitali ya Taifa ya Muhimbili anapoendelea kupatiwa matibabu mpaka sasa.

Alisema mtuhumiwa huyo alikimbia baada ya kutenda kosa hilo na anatafutwa na lazima  akamatwe.