EWURA YAENDELEA KUHAMASISHA MATUMIZI YA GESI KATIKA MAGARI

Na Mwandishi wetu, DAR ES SALAAM

MAMLAKA ya Udhibiti wa Huduma za Nishati na Maji (EWURA), imesema kuwa katika wanaendelea kuhamasisha watu wenye magari  nchini kurekebisha mifumo ya magari yao ili kuweza kutumia  gesi asilia.

Haya yamesemwa jijini Dar es Salaam leo Julai 5, 2024  na Meneja Mawasiliano na Uhusiano EWURA  Titus Kaguo katika maonesho ya 48 ya kimataifa ya Biashara Dar es Salaam (DITF), kwenye banda la mamlaka hiyo.

Amesema Shirika la Viwango Tanzania (TBS), tayari lilishaboresha  viwango vya ubora ambapo kituo chochote cha mafuta nchini kinaweza kujumuisha kituo cha  gesi asilia katika eneo moja (CNG).

Kaguo amesema pia kuwa ili CNG  iweze kutumika nchi nzimaitaekwenda kwa awamu , na kwa mujibu wa maelekezo ya wizara, EWURA isimamie suala hili kama chanzo kingine mbadala  cha nishati safi  kutokana na hali mafuta duniani.

Aidha ameiwashukuru Watendaji wa  Wizara ya Nishati kwa utendaji bora na , kwa miongozo ambayo  wizara imeendelea kuipatia EWURA ili kuendelea kufanya kazi ya udhibiti wa huduma nishati na maji vizuri.

Kaguo amesema kuwa katika banda hilo wataalam wote wapo wa gesi asilia, sekta ya  maji, petroli, huku akisema wamejipanga kutoa elimu na kuhakikisha kila changamoto inatatuliwa.

" Tumekuja hapa kwa maelekezo maalum kama tunavyojua Wizara ya Nishati imejipanga kutoa taarifa kwa Umma, taarifa hizi ni nyenzo kwa shughuli ambazo tunazifanya kama tunavyoagizwa na  kiongozi wetu, Naibu Waziri Mkuu na Waziri wa Nishati Mh.Doto Biteko,"amesema

Ameeleza kuwa hata alivyokuwa akizindua ripoti za taarifa za utendaji wa nishati moja ya maelekezo yake  ilikuwa kuzitaka taasisi zitoe taarifa kwa umma ili watanzania wajue wizara inachokifanya.

EWURA imeshiriki katika maonesho haya,ikiwa ni moja ya nyenzo ya kuwasiliana na kupokea mrejesho kutoka kwa wadau wake kuhusu udhibiti wa huduma za umeme,petroli,Gesi Asilia na Maji na Usafi wa Mazingira.